Дунёнинг биринчи ракеткаси, сербиялик теннисчи Новак Жокович Туриндаги (Италия) ATP якуний турнири бошланиши арафасида ўзининг асосий мақсадини айтиб ўтди.
«Ҳозирги энг катта мақсадим - мавсумни 1-ўринда якунлаш, шунинг учун умид қиламанки, мен бунга эриша оламан.
Менга битта ғалаба керак, шунинг учун умид қиламанки, бу содир бўлади ва, албатта, турнирда ғолиб чиқишни истардим. Аммо бу мақсад холос, кейин нима бўлишини кўрамиз», - дея Жоковичнинг сўзларини келтиради ATP матбуот хизмати.
Профессионал теннисчилар уюшмаси рейтингининг биринчи поғонасида қолиш учун Жокович турнирда фақат битта ўйинда ғалаба қозониши керак.
Агар унинг асосий таъқибчиси испаниялик Карлос Алькарас камида битта мағлубиятга учраса, Жокович рейтингда биринчи ўринда қолади. Туриндаги чемпионат 12 ноябрь куни бошланади.
