Dunyoning birinchi raketkasi, serbiyalik tennischi Novak Jokovich Turindagi (Italiya) ATP yakuniy turniri boshlanishi arafasida o‘zining asosiy maqsadini aytib o‘tdi.
«Hozirgi eng katta maqsadim - mavsumni 1-o‘rinda yakunlash, shuning uchun umid qilamanki, men bunga erisha olaman.
Menga bitta g‘alaba kerak, shuning uchun umid qilamanki, bu sodir bo‘ladi va, albatta, turnirda g‘olib chiqishni istardim. Ammo bu maqsad xolos, keyin nima bo‘lishini ko‘ramiz», - deya Jokovichning so‘zlarini keltiradi ATP matbuot xizmati.
Professional tennischilar uyushmasi reytingining birinchi pog‘onasida qolish uchun Jokovich turnirda faqat bitta o‘yinda g‘alaba qozonishi kerak.
Agar uning asosiy ta’qibchisi ispaniyalik Karlos Alkaras kamida bitta mag‘lubiyatga uchrasa, Jokovich reytingda birinchi o‘rinda qoladi. Turindagi chempionat 12 noyabr kuni boshlanadi.
