Октябрь ойида Италиянинг "Милан" клуби Германиянинг "Шальке" клубидан иқтидорли ярим ҳимоячи - Ассан Уэдраого трансферига қизиқиш билдираётгани ҳақида хабар берган эдик. Жорий мавсумда 17 ёшли футболчи иккинчи Бундеслигада ўйнаётган клубнинг асосий жамоасининг доимий аъзосига айланди, у ўн бир учрашувда майдонга тушиб, битта гол ва голли узатмани амалга оширди.
"Милан" футболчини йил бошидан кузатиб келмоқда ва эҳтимол январь ойида Уэдраого Германия иккинчи лигасидан Италия чемпионати олий лигасига ўтиши мумкин. Аммо ҳозирча "Шальке" бу борада ҳамкорлик қилишга тайёрлигини билдирмаган.
