«Кристал Пэлас» Англия премьер-лигасининг ўн иккинчи турида кутилмаганда «Эвертон»га мағлуб бўлди. «Бургутлар» устози Рой Хожсон учрашув натижаларини қуйидагича изоҳлади:
«Мен жуда хафа бўлдим, биз тезда гол ўтказиб юбордик, кейин ҳисобни тенглаштирдик ва танаффусда барча футболчилар рақибни сиқиб чиқаришимизга ишонишди.
Аммо иккинчи бўлим ўтказиб юборилган иккинчи гол билан бошланди. Биз яна ҳисобни тенглаштирдик ва дурангга хурсанд бўлардик, аммо дурангни ушлаб қола олмадик.
Натижа тенглигини сақлаб қолишимиз керак эди», - дея Хожсоннинг сўзларини келтирмоқда BBC Sport.
