Мадриднинг “Реал” клуби бош мураббийи Карло Анчелотти Испания чемпионатининг 13-тури доирасида “Валенсия” устидан қозонилган йирик ҳисобдаги ғалаба ҳақида фикр билдирди. "Лос-Бланкос" 5:1 ҳисобида ғалаба қозонди.
"Бу "Реал Мадрид"нинг жорий мавсумдаги энг яхши ўйини. Рақиб ҳеч нарса қила олмади ва ўзининг энг яхши фазилатларини кўрсата олмади, чунки менинг футболчиларим жуда яхши ўйин кўрсатишди. Дастлабки 15 дақиқани ҳисобга олмаганда, ажойиб ўйин бўлди", - дея италиялик мураббийнинг сўзларини келтиради Mundo Deportivo.
Испания чемпионатининг 13-тури якунларига кўра, "қироллик" клуби 32 очко жамғариб, турнир жадвалида иккинчи ўринда бормоқда. Кутилмаган етакчи – “Жирона”.
