"Барселона" ярим ҳимоя чизиғини кучайтириш йўлларини қидирмоқда.
Transfer News Live нашрининг хабар беришича, Каталония клуби "Лестер" ярим ҳимоячиси Уильфред Ндиди билан шартнома имзоламоқчи. 26 ёшли нигериялик футболчининг “тулкилар” билан амалдаги шартномаси жорий мавсум охиригача амал қилади.
Шу сабабли, Ндиди январь ойида жозибадор нархда шартнома имзолаши мумкин (Transfermarkt портали футболчини 18 миллион еврога баҳоламоқда).
"Лестер" айни дамда Чемпионшипда ўйнайди, у ерда турнир жадвалида биринчи ўринни эгаллаб турибди. Ндиди 2023/2024 йилги мавсумда 15 та ўйинда майдонга тушиб, 3 та гол урди ва 4 та голли узатмани амалга оширди.
