Биз Европанинг топ чемпионатларида воқеалар қандай кетаётганини кузатиб борган ҳолда бу мавсум ўз миллий чемионатларида ўзини кўрсатаётган футболчиларга тўхталиб ўтамиз.
Беллингемга Ла Лигада рақобатчи йўқ
Инглиз футблчиси ҳали ҳам ўзининг нималарга қодир эканлигини тўлиқ кўрсатганича йўқ. Ҳозирча "Боруссия"нинг собиқ ярим ҳимоячиси Мадридда умуман муаммога дуч келмаяпти. Жуд шуҳратпараст клубга мукаммал вақтда қўшилди. Авлодлар алмашинуви туфайли ярим ҳимоячи дастлаб "Лос Бланcос"нинг асосий ўйинчиси ва етакчиси сифатида кўриб чиқилди. Қолаверса, Мадридда марказий ҳужумчи муаммоси бор эди. Айниқса, Карим Бензема жамоадан кетганидан сўнг. Бошқа вариантлар орасида Мбаппе билан сериял ҳали ҳам давом этмоқда, Эндрик эса Испанияга келиши учун ёши етмайди.
Шу боис, Беллингем ҳужумчи вазифасини ҳам ўз зиммасига олди ва у тўпурарлар рўйхатида пешқадамлик қилишда давом этмоқда. 11 ўйинда ижрочи 10 та гол урди ва энг яқин таъқибчиларидан 3 та гол олдинда. Агар ярим ҳимоячининг октябр ойидаги статистикаси ҳақида гапирадиган бўлсак, Жуд икки марта гол уришга муваффақ бўлди - у "Осасуна"ни мағлуб этди ва "Барселона" билан "Эл-Класико"да ўйин тақдирини ўзи ўзгартириб кетди. 20 ёшли иқтидор аллақачон испан мухлислари қалбларини етарлича забт этди. Беллингем "Қироллик клуби" таркибида ўзини кўрсатишда давом этмоқда.
Салоҳ - стабиллик ва тажриба
Мисрлик вингер “Ливерпул”да 7 йилдан буён тўп тепмоқда. Бу вақт ичида у ўзининг асл даражасини топди. Олдинги икки мавсумда доимий равишда гол+пас тизимидан фойдаланган ҳолда 30 дан ортиқ самарали ҳаракатлар амалга оширилди; “Рома”дан кўчиб ўтгандан кейин, АПЛдаги илк мавсумда чемпионатдаги энг ёмон кўрсаткич 22 гол ва 5 голли узатма эди.
Афтидан, жорий мавсумда, Муҳаммад Салоҳ яна бир бор 20+ гол натижасига эришишга тайёр. Қайта тикланган "Ливерпул"да у ўз фаолиятини давом эттирмоқда. Жорий мавсумда у 11 ўйинда 8 та гол урди ва 4 та голли узатмани амалга оширди.
Ҳатто мавсум стартида ҳам унинг самарали ҳаракатлари мерсисайдликларга "Борнмут" ва "Нюкасл" устидан ғалаба келтирди ва "Челси" билан дуранг ўйнади. Октябр ойида Салоҳ "Қизиллар" сафида "Брайтон" билан дуранг қайд этилган баҳсда (2:2) дубл қайд этди, ой охирида эса "Ливерпул" "Эвертон" устидан ғалаба қозонди (2:0). "Ноттингем"га қарши кечган баҳсда Салоҳ гол урди.
Лаутаро Мартинес А серия чемпиони бўлишни мақсад қилган
“Интер” ҳужумчиси А Серия тўпурарлик пойгасида бу мавсум ҳам курашга жиддий қўшилди. Илгари Лаутарога Ромелу Лукаку, Чиро Иммобиле ва ўтган мавсумдан Виктор Осимҳен каби ҳужумчилар рақобат туғдиришга ҳаракат қиларди. Ҳозир Италия чемпионатининг тўпурар ҳужумчилари камайиб кетди, янги чиқаётган юлдузлар эса ҳали ўзларни тўлиқ кўрсатганича йўқ. Мартинес бундан фойдаланган ҳолда етакчиликни қўлга олди.
"Нерадзуррилар" форварди бу мавсум А Серияда 11 та ўйинда майдонга тушиб, 12 та гол уришга муваффақ бўлди. Энг ёрқин ўйинлардан бири, аргентиналикнинг "Салернитана"га қарши покери сентябр ойида бўлди. Октябр ойида - учта ўйинда 2 та гол. Аммо улардан бири муҳим! Турам ва Мартинеснинг голлари миланликларга "Болоня" билан ўйинда дурангга олиб келди. Кейинроқ аргентиналик Туринликлар дарвозасини ишғол қилди – 3:0.
Октябр ойининг энг яхши футболчиси соврини учун “Интер” ҳужумчисининг рақобатчилари Бремер, Хвича Кваратсхелия, Кристиан Пулишич ва Матиас Суле эди. Аммо ҳужумчи билан фақат “Наполи”нинг грузиялик қанот ҳужумчиси рақобатлаша олди.
