Марселино "Вильярреал"нинг янги бош мураббийи бўлади. Ижтимоий тармоқларда нуфузли инсайдер Фабрицио Романонинг айтишича, "сув ости кемаси" аллақачон 58 ёшли мутахассис билан келишиб олишган. Тез орада расмий эълон қилинади.
Айтиш жоизки, Марселино 2013-2016 йилларда “Вильярреал”ни бошқарган.
Эслатиб ўтамиз, ўтган ҳафтада “Вильярреал” Пачетанинг истеъфоси ҳақида эълон қилган эди. У жамоа билан атиги икки ой ишлади.
"Вильярреал" айни дамда Испания Ла Лигаси турнир жадвалида 14-ўринни эгаллаб турибди. Жамоа навбатдаги ўйинни 26 ноябрь куни "Осасуна"га қарши ўтказади.
