"Ювентус" ҳужумчиси Самуэль Илинг "Тоттенхэм"нинг трансфер мақсадига айланди.

"Шпорлар" раҳбарияти январь ойида ҳужумни кучайтиришга умид қилмоқда ва 20 ёшли англиялик асосий номзодлардан бирига айланди, деб хабар беради Football Italia. Англия ёшлар терма жамоаси футболчиси камдан-кам ҳолларда "Ювентус"нинг асосий таркибига киради, шунинг учун у қишда ватанига қайтишга тайёр бўлиши кутилмоқда.

Transfermarkt экспертлари Самуэль Илингнинг нархини 9 миллион еврога баҳоламоқда. Жорий мавсумда форвард Массимилиано Аллегри жамоасида тўртта ўйинда майдонга тушиб, битта голли узатмани амалга оширди.