"Yuventus" hujumchisi Samuel Iling "Tottenxem"ning transfer maqsadiga aylandi.
"Shporlar" rahbariyati yanvar oyida hujumni kuchaytirishga umid qilmoqda va 20 yoshli angliyalik asosiy nomzodlardan biriga aylandi, deb xabar beradi Football Italia. Angliya yoshlar terma jamoasi futbolchisi kamdan-kam hollarda "Yuventus"ning asosiy tarkibiga kiradi, shuning uchun u qishda vataniga qaytishga tayyor bo‘lishi kutilmoqda.
Transfermarkt ekspertlari Samuel Ilingning narxini 9 million yevroga baholamoqda. Joriy mavsumda forvard Massimiliano Allegri jamoasida to‘rtta o‘yinda maydonga tushib, bitta golli uzatmani amalga oshirdi.
