Мадриднинг “Атлетико” клуби бош мураббийи Диего Симеоне “матрасчилар” ҳужумчиси Алваро Мората “Манчестер Сити” ҳужумчиси Эрлинг Холанд билан бир хил даражада эканлигини ишонч билан айтди.
“Мората Холанд билан бир хил даражада. Голлар ва голли узатмалар сони бўйича Алварони албатта Эрлинг билан солиштириш мумкин", - дея Симеоненинг сўзларидан иқтибос келтиради италиялик журналист Фабрицио Романо.
Эслатиб ўтамиз, Мората Испания чемпионатининг жорий мавсумида 7 та гол урган ва битта голли узатмага эга. Холандга келсак, норвегиялик футболчи жорий мавсум Англия Премьер-лигасида 13 та гол урди ва 3 та голли узатмани амалга оширди.
