Ҳаммаси Валтер Маццаррининг «Наполи»нинг янги бош мураббийи бўлиши томон кетмоқда.
Бу мутахассис 2009-2013 йилларда жамоа билан ишлаган, энди эса иккинчи марта жамоага келишга ҳозирлик кўрмоқда.
Нуфузли инсайдер Фабрицио Романонинг ижтимоий тармоқларда хабар беришича, Маццаррининг шартномаси қисқа муддатли - 2023/2024 йилги мавсум охиригача бўлади. 62 ёшли мутахассис яқин соатларда шартнома имзолаши кутилмоқда.
«Наполи» айни дамда Италия чемпионати турнир жадвалида тўртинчи ўринда бормоқда. Жамоа навбатдаги ўйинни 25 ноябрь куни сафарда «Аталанта»га қарши ўтказади.
