Собиқ футболчи Нил Уорнок Премьер-лигада ВАРларни кўриш жуда узоқ давом этаётганидан норози.
Хусусан, Уорнок чемпионатнинг 11-туридан ўрин олган «Тоттенхэм» – «Челси» учрашувида (1:4) узоқ давом этган паузаларни қайд этди.
«Бизнинг лига узоқ вақтдан бери дунёнинг энг яхшиси бўлиб келган. Аммо «Тоттенхэм» - «Челси» учрашувини томоша қилган ҳар бир киши бемалол ВАР кўрилаётганда ошхонага бориши, чойнакни қўйиши ва кечки овқатни еб олиши ёки чекиш учун ташқарига чиқиши мумкин эди. Бу кулгили.
Эҳтимол, вақт чегараси бўлиши керак. Мен ҳар доим айтганман: «Агар хатони 30 сонияда кўра олмасангиз, ҳакамнинг дастлабки қарорига амал қилинг.
Баъзан бир неча дақиқа ўтади - бу шунчаки кулгили. Қарор қабул қилишни тезлаштириш учун сунъий интеллект технологиясидан фойдаланишга тўғри келади», — деди Уорнок.
