Бразилия клублари маҳаллий Сенатдан футболда букмекерлик компаниялари рекламасини тақиқловчи қонунни рад этишни сўради.
Олдинроқ сенатор Эдуардо Жирао стадионларда букмекерлик компаниялари рекламасини тақиқлаш ғоясини илгари сурган эди. У, шунингдек, футбол клубларига қимор компаниялари билан ҳомийлик шартномалари тузиш ва уларнинг рекламасини формага жойлаштиришни тақиқлашни таклиф қилди.
Дарҳол Бразилиянинг 34 клуби ўзгартиришга қарши чиқди ва Сенатга жамоавий хат ёзди. Жамоаларнинг ҳисоботида айтилишича, букмекерлар билан ҳамкорликни тақиқлаш Бразилиядаги барча даражадаги профессионал футбол клубларига жиддий иқтисодий зарар етказади.
Бразилия А ва Б серияларида иштирок этаётган 40 та жамоадан 39 таси аллақачон букмекерлик конторлари билан ҳомийлик шартномаларини тузган.
