"Милан"нинг собиқ футболчиси Кевин-Принс Боатенг ҳужумчилар Рафаэль Леау ва Марио Балотеллини солиштирди.
24 ёшли португалиялик ҳозирги "Милан"нинг асосий юлдузи саналади, бироқ ганалик собиқ футболчининг фикрича, Балотелли фаолиятининг бошида ундан ажойиб ўйин кўрсатди.
“Леау ажойиб ўйинчи, лекин Марио шунчаки феноменал эди, бу бошқа даража. Мен у билан ўйнадим ва у нарсаларга жиддий қараганида нима қила олишини кўрдим. Ҳар ким ҳам доимий равишда ўз ўйинининг энг юқори поғонасида қола олмайди, лекин Балотелли дунёдаги энг яхши беш ҳужумчидан бири эди. У ўйин сифати бўйича Ибраҳимовичга яқин келган ягона одам эди.
Менга Марио жуда ёқади. Ўйлашимча, у учта “Олтин тўп”ни қўлга киритиши мумкин эди, лекин унга ҳар куни уни туртки берадиган, яъни менга ўхшаган одам керак эди”, — дея Боатенг сўзларини келтиради Football Italia.
