Таниқли инсайдер Фабрицио Романо "Атлетик Бильбао" вингери Нико Уильямсга бўлаётган қизиқишлар ҳақида маълумот берди.
Басклар клуби 21 ёшли футболчининг июнь ойида тугайдиган шартномасини узайтирмоқчи. Бу режалар Испания терма жамоаси футболчисини қўлга киритиш имкониятларини ўрганаётган "Барселона" ва "Реал Мадрид" томонидан барбод бўлиши мумкин.
"Барселона" ва "Реал Мадрид" бир неча бор Уильямснинг ўйинини ўрганиш учун ўз скаутларини юборган, аммо ҳозирча расмий таклифлар келиб тушмаган, чунки футболчи "Атлетик"да қолишни режалаштираётганини ҳамма билади. Янги шартнома бўйича музокаралар давом этмоқда, аммо дастлабки босқичда. Уильямсга шунингдек бош мураббий Унаи Эмери жуда ёқади, мутахассис уни "Астон Вилла"да кўришни хоҳлайди”, - дейди Романо.
