"Тоттенхэм" ҳимоячиси Эрик Дайер "Спортинг"га ўтиши мумкинлиги ҳақидаги саволга жавоб берди.
29 ёшли футболчининг амалдаги шартномаси мавсум якунланганидан кейин ниҳоясига етади. Миш-мишларга кўра, келаси ёзда англиялик футболчи фаолиятини бошлаган "Спортинг"га қайтиши мумкин.
"Шартнома муддати тугагач, "Спортинг"га қайтасизми? Билмайман. Футболда эртага нима бўлишини ҳеч қачон билмайсиз. "Спортинг" - бу менинг клубим, менинг уйим, мен у ерда 12 йил ўтказдим. Лиссабон доим менинг уйим бўлиб қолади", - дея «шпорлар» футболчисининг сўзларини келтирмоқда инглиз ОАВ.
Жорий мавсумда Эрик Дайер Анге Постекоглу жамоасида атиги иккита учрашувда қатнашди.
