"Манчестер Юнайтед"нинг собиқ футболчиси Антонио Валенсия "Брайтон" қанот ҳимоячиси Первис Эступиньян ҳақида фикр билдирди.
"Первис - Премьер-лиганинг энг яхши чап қанот ҳимоячиси. У ҳатто бу позицияда дунёдаги энг яхшиси бўлиши мумкин. Эступиньян "Брайтон" учун ажойиб мавсумни ўтказмоқда ва ҳали ҳам яхшиланиш учун имкон бор. У ҳимояда зўр ўйнайди, тўп билан яхши муомала қилади ва ҳаракатларини яхшилади. Первис яхшиланишда давом этади", - деди Валенсия.
Жорий мавсумда Эступиньян тўққизта ўйинда қатнашиб, битта гол урди ва жамоадошларига уч марта ассистентлик қилди.
