"Манчестер Юнайтед"нинг ҳужумкор ярим ҳимоячиси Жэйдон Санчо Италия чемпионатига ўтиши мумкин, бу ҳақда инсайдер Фабрицио Романо ижтимоий тармоқлар орқали хабар берди.
Журналистнинг фикрича, англиялик футболчига Туриннинг “Ювентус” клуби жиддий қизиқиш билдирмоқда. “Кекса синьора” ярим ҳимоячини яқинлашиб келаётган трансфер ойнасида ижарага олишга тайёр.
Жэйдон "қизил иблислар" сафига 2021 йилнинг ёзида келиб қўшилганди. Томонлар ўртасидаги амалдаги шартнома 2025/2026 йилги мавсум охирида якунига етади.
Жорий мавсумда Санчо манкунианликлар сафида атиги 3 та ўйин ўтказди. Қанот ҳужумчиси бош мураббий Эрик тен Хаг билан жанжаллашиб қолган, шундан сўнг футболчи жамоадан четлаштирилган.
