«Манчестер Сити» ўзининг расмий сайтида клубнинг ўтган мавсумдаги даромадлари ва фойдаси ҳақидаги маълумотларни эълон қилди.

Маълум қилинишича, «шаҳарликлар»нинг 2022/23 йилги мавсумдаги даромади 817,6 миллион еврони ташкил қилган, бу ўтган йилги кўрсаткичдан 114,5 миллионга кўпдир.

Бундан ташқари, фойда 92,2 миллион еврони ташкил этди, бу аввалги рекорд 47,9 миллион евродан деярли икки баравар кўп.

Қайд этилишича, «Манчестер Сити»нинг асосий даромад манбалари реклама, трансляциялар ва уй учрашувлари ҳисобланади.

Эслатиб ўтамиз, ўтган мавсумда инглиз гранди бирданига учта йирик совринни қўлга киритди, улар Премьер-лига, Англия кубоги ва Чемпионлар лигасини қўлга киритганди.