"Манчестер Юнайтед" "Бенфика" ярим ҳимоячиси Жоау Невешни сотиб олмоқчи. Бу ҳақда Record нашри хабар бермоқда.
Манбага кўра, "қизил иблислар" скаутлари жорий мавсумда ёш португалиялик футболчига бир неча бор эътибор қаратишган. Қайд этилишича, "Манчестер Юнайтед" Невешнинг ўйинидан жуда мамнун ва яқин орада футболчини сотиб олишни режалаштирмоқда.
Эслатиб ўтамиз, аввалроқ инсайдер Фабрицио Романо клуб раҳбарият ўзгарганидан кейин футболчи борасида бир қарорга келишини айтганди.
Жорий мавсумда 19 ёшли ярим ҳимоячи барча турнирларни ҳисобга олган ҳолда 18 та учрашувда майдонга тушиб, битта гол урди ва битта голли узатмани амалга оширди.
Невешнинг "Бенфика" билан шартномаси 2028 йилгача мўлжалланган. Transfermarkt портали экспертлари ярим ҳимоячининг нархини 20 миллион еврога баҳоламоқда.
