"Manchester Yunayted" "Benfika" yarim himoyachisi Joau Neveshni sotib olmoqchi. Bu haqda Record nashri xabar bermoqda.

Manbaga ko‘ra, "qizil iblislar" skautlari joriy mavsumda yosh portugaliyalik futbolchiga bir necha bor e’tibor qaratishgan. Qayd etilishicha, "Manchester Yunayted" Neveshning o‘yinidan juda mamnun va yaqin orada futbolchini sotib olishni rejalashtirmoqda.

Eslatib o‘tamiz, avvalroq insayder Fabrisio Romano klub rahbariyat o‘zgarganidan keyin futbolchi borasida bir qarorga kelishini aytgandi.

Joriy mavsumda 19 yoshli yarim himoyachi barcha turnirlarni hisobga olgan holda 18 ta uchrashuvda maydonga tushib, bitta gol urdi va bitta golli uzatmani amalga oshirdi.

Neveshning "Benfika" bilan shartnomasi 2028 yilgacha mo‘ljallangan. Transfermarkt portali ekspertlari yarim himoyachining narxini 20 million yevroga baholamoqda.