Норвегия терма жамоаси шифокори Ола Санд "Манчестер Сити" ҳужумчиси Эрлинг Холанд Фарер ороллари билан ўртоқлик учрашувида (2:0) тўпиғидан жароҳат олганини айтди.

"У бир оз заиф бўлган жойида тўпиғини бироз қайириб олди. Бу дарҳол жуда оғриқли бўлди, лекин кейин жуда тез ўтиб кетди. Эртага унинг қандай ҳолатда эканлигини кўрамиз", - деди Санд VG билан суҳбатда.

Форвард ўртоқлик учрашувида захирадан майдонга тушди ва ўйин тугашига бир неча дақиқа қолганида жароҳат олди. Норвегия терма жамоаси шифокорининг аниқлик киритишича, Эрлинг авваллари муаммоси бўлган тўпиғини жароҳатлаган.

Жорий мавсумда Холанд “Манчестер Сити” сафида 18 та ўйинда майдонга тушиб, 17 та гол ва 4 та голли узатмага муаллифлик қилган. Айни дамда Премьер-лиганинг 12 ўйинидан сўнг "Манчестер Сити" 28 очко билан биринчи ўринда бормоқда.