Италиялик мутахассис Роберто Манчини ниҳоят Саудия Арабистони терма жамоаси бош мураббийи сифатида илк ғалабасини қўлга киритди. Унинг жамоаси Покистонни 4:0 ҳисобида мағлуб этди.
Бу Манчини янги жамоаси бошқарувида ўйнаган бешинчи ўйинда содир бўлди. Бунгача у Коста-Рика, Жанубий Корея ва Малига ютқазган, Нигерия билан дуранг ўйнаган.
Бироқ, буларнинг барчаси ўртоқлик ўйинлари бўлиб, Покистон билан ўйин 2026 йилги жаҳон чемпионатига саралаш доирасидаги расмий учрашув эди. Улардан ташқари гуруҳда Иордания ва Тожикистон жамоалари ҳам бор.
Эслатиб ўтамиз, Манчини август ойи охирида Саудия Арабистони терма жамоаси бошқарувини қабул қилиб олганди.
