Халқаро футбол тарихи ва статистика федерацияси (IFFHS) 2012 йилнинг энг яхши клублар бош мураббийини аниқлади. Федерация версиясига кўра, "Реал" бош мураббийи Жозе Моуриньо 2012 йилнинг клублар бош мураббийи этиб топилди.

Моуриньо бунгача ҳам 2004, 2005, 2010 йилларда бундай рейтингда ғолиб чиққанини инобатга олсак, бу унинг тўртинчи ғолиблигидир.

Иккинчи ўринни "Челси" бош мураббийи Роберто ди Матео эгаллади. ЕЧЛ ғолиблигини қўлга киритган мутахассиснинг ҳисобида тўпланган балл Моуриньоникидан атиги 2 баллга камроқ бўлди. Учинчи ўрин эса Европа лигаси ғолиблигини зафар қучган "Атлетико" бош мураббийи Диего Симиеонега насиб этди.

"Барселона"да сўнгги мавсумни ўтказган Хосеп Гвардиола эа сўровномада 4-ўринни банд этди. Кучли бешликни "Коринтианс" билан клублар ўртасидаги жаҳон чемпионатида ғолиб чиққан Аденор Леонардо Тите якунлаб берди.

1. Жозе Моуриньо («Реал») - 101
2. Роберто де Маттео («Челси») - 99
3. Диего Симеоне («Атлетико») - 97
4. Хосеп Гвардиола («Барселона») - 82
5. Тите («Коринтианс») - 61
6. Юпп Хайнкес («Бавария») - 40
7. Алекс Фергюсон («Манчестер Юнайтед») - 27
8. Юрген Клопп («Боруссия», Дортмунд) - 15
9. Марсело Бьелса («Атлетик») - 12
10. Роберто Манчини («Манчестер Сити») - 11
11. Ҳуссам ал-Бадрий («Ал-Аҳли», Миср) - 8
11. Муриси Рамальо ("Сантос", Бразилия) - 8
13. Хорхе Луис Сампаоли ("Универсидад", Чили) - 6
14. Абел Карлос да Сильва Брага ("Флуминенсе", Бразилия) - 5
14. Виктор Мануэль Вусетич ("Монтеррей, Мексика) - 5