"Ливерпуль" катта умидлар билан уругвайлик ҳужумчи Дарвин Нуньесни сотиб олди. Бироқ, биринчи мавсум ҳужумчи учун етарлича муваффақиятли бўлмади ва, эҳтимол, муваффақиятсиз бўлди.
Нуньеснинг Уругвай терма жамоасидаги 36 ёшли жамоадоши Луис Суареснинг айтишича, "Ливерпуль" раҳбарияти унга Дарвин билан гаплашиш юзасидан илтимос билан мурожаат қилган.
"Дарвин улкан салоҳиятга эга. У муаммоларга дуч келганида, "Ливерпуль" раҳбариятининг илтимосига кўра, бу ҳақда гаплашиш учун учрашдик. Унга Англия футболининг ўзига хос жиҳатларини тушунтириб, маслаҳатлар бердим" - деди Суарес.
Луис Суарес 2011-14 йилларда "Ливерпул"да ўйнаган.
