Франция терма жамоаси ҳужумчиси Килиан Мбаппе 2024 йилги Европа чемпионати саралаш баҳсида Гибралтар терма жамоаси устидан қозонилган йирик ғалаба ҳақида фикр билдирди. Учрашув 14:0 ҳисобида якунланди.
“Мақсадимиз саралаш тарихидаги энг йирик ғалабани қўлга киритиш эди. Шу боисдан, биз бутун учрашув давомида ғайратга эга бўлдик. Биз тарих яратмоқчи эдик ва бунга эришдик. Бундан яхшироқ нарса йўқ. Жамоа ўзгача нарсага эришди", - дея футболчининг сўзларини келтиради терма жамоа матбуот хизмати.
Франция терма жамоаси муддатидан аввал Евро йўлланмасини қўлга киритди. Сўнгги саралаш баҳсида "уч ранглилар" грекларга қарши баҳс олиб боради.
