«Олмалиқ» жамоасининг дастлабки спарринг рақиби «Пахтакор» ўринбосарлар жамоаси бўлади. 11 январь куни Чилонзор сунъий қопламали майдонида ташкиллаштириладиган баҳсда йиғинда қатнашаётган барча футболчилар иштирок этиши кўзда тутилмоқда. Шунингдек, 14 январь куни янги барпо этилган «Бунёдкор» мажмуаси сунъий майдонида «Бунёдкор» ўринбосарлари билан ҳам назорат учрашуви ўтказилади.
Жамоа таркибидаги ўзгаришларга тўхталадиган бўлсак, «Хива» жамоаси шарафини ҳимоя этган ҳужумчи Исроил Турсунов ҳамда россиялик легионеримиз Евгений Гоголь машғулотларга қўшилган.
