Жароҳат билан боғлиқ вазият "Реал"ни қишки трансфер ойнасида таркибини кучайтириш ҳақида ўйлашга мажбур қилмоқда.

Мадрид клуби кутилмаган қадам ташлаб, Тимо Вернер билан шартнома имзолаши мумкин. Испаниянинг Sport нашри хабарига кўра, "қаймоқранглилар" бу вариантни кўриб чиқмоқда.

Тимо Вернер 2022 йилнинг ёзида "Челси"даги муваффақиятсизликдан сўнг "Лейпциг"га қайтди. Ҳозир ҳужумчи ўзининг энг зўр мавсумини ўтказмаяпти ва натижада ўйин вақти кам бўлмоқда. 2023/2024 йилги мавсумда Вернер 13 та ўйин ўтказиб, 2 та гол урди ва битта голли узатмани амалга оширди.

Transfermarkt Тимо Вернерни 20 миллион еврога баҳоламоқда.