21 ноябрь куни Жаҳон чемпионати саралаш турнири доирасида Ўзбекистон ва Эрон терма жамоалари ўзаро тўқнаш келишидан хабарингиз бор. Бу ўйинга чипталарни қаердан харид қилиш борасида ЎФА маълумот берди.
"Футбол мухлислари томонидан ушбу учрашувга қизиқиш юқори бўлмоқда. Чипталар сотуви Бунёдкор стадиони расмий кассалари ҳамда iTicket.uz сайтида йўлга қўйилган. Шу ўринда чипталарни ноқоқнуний олиб сотиш ҳамда сохталаштириш ҳолатлари учраётгани ҳақида огоҳлантирамиз! Бундай нопок ишга қўл урганларга қатъий чора кўрилишини маълум қиламиз.
Футбол мухлисларини фақатгина расмий кассалардан чипта олишларини, қалбаки ҳамда чайқовчилар қўлидан олинган чипталардан эхтиёт бўлишларини сўраймиз", - дейилади ЎФА хабарида.
