МЛСнинг "Лос-Анжелес Гэлакси" клуби ўз таркибини мексикалик вингер Ирвинг Лосано билан кучайтирмоқчи. Бу ҳақда Фабрицио Романо ижтимоий тармоқларида хабар берди.
Фабриционинг таъкидлашича, томонлар ёзда музокара олиб боришган, аммо кейин Лосанони янги клубга ўтказиш бўйича келишув амалга ошмай қолган. Шу боис, бу қишда Америка клуби 28 ёшли футболчини ўз таркибига жалб қилиш учун янги уринишларни амалга оширади.
Ўтган ёзда Ирвинг ПСВ Эйндховенга қайтганди, аммо шундан сўнг унинг нархи сезиларли даражада тушиб кетди. Нидерландия клубига ўтишдан олдин мексикалик футболчи Италия чемпиони "Наполи"да ўйнаган. Футболчи 2019 йилдан 2023 йилгача "адзуррилар" сафида ўйнаган.
