"Бавария" дарвозабони Мануэль Нойер ва ярим ҳимоячи Томас Мюллернинг шартномалари келаси ёзда якунига етади.

Kicker нашрининг хабар беришича, мюнхенликлар жамоаси мавсумнинг биринчи ярми якунида ҳамкорликни давом эттириш учун футболчилар билан музокаралар олиб боришни режалаштирган. Эҳтимол, бу янги йил бошида содир бўлади.

Нойер мюнхенликлар сафида 2011 йилдан бери ўйнаб келмоқда, ўшанда у "Шальке"дан 30 миллион еврога сотиб олинганди. Жорий мавсумда 37 ёшли дарвозабон 5 учрашувда 5 та гол ўтказиб юборди ва 2 марта ўз дарвозаси даҳлсизлигини сақлаб қолди.

Мюллер "Бавария" тарбияланувчиси. Жорий мавсумда 34 ёшли германиялик 14 учрашувда 2 та гол урди ва 5 та голли узатмани амалга оширди.