"Bavariya" darvozaboni Manuel Noyer va yarim himoyachi Tomas Myullerning shartnomalari kelasi yozda yakuniga yetadi.

Kicker nashrining xabar berishicha, myunxenliklar jamoasi mavsumning birinchi yarmi yakunida hamkorlikni davom ettirish uchun futbolchilar bilan muzokaralar olib borishni rejalashtirgan. Ehtimol, bu yangi yil boshida sodir bo‘ladi.

Noyer myunxenliklar safida 2011 yildan beri o‘ynab kelmoqda, o‘shanda u "Shalke"dan 30 million yevroga sotib olingandi. Joriy mavsumda 37 yoshli darvozabon 5 uchrashuvda 5 ta gol o‘tkazib yubordi va 2 marta o‘z darvozasi dahlsizligini saqlab qoldi.

Myuller "Bavariya" tarbiyalanuvchisi. Joriy mavsumda 34 yoshli germaniyalik 14 uchrashuvda 2 ta gol urdi va 5 ta golli uzatmani amalga oshirdi.