Қозоғистон футбол федерацияси президенти Адилет Барменцулов миллий терма жамоа бош мураббийи Магомед Адиев ўз лавозимини тарк этмаслигини айтди.
"Магомед Адиев терма жамоа бош мураббийи сифатида қолади. Ҳозир у билан биргаликда футболимиз ривожи учун катта режа тузяпмиз. Бизнинг тизимимиз ва стратегиямиз асосида ишлаб чиқилиши керак бўлган лойиҳалар бор", — деди Барменқулов Metaratings билан суҳбатда.
Россиялик мутахассис бошчилигида Қозоғистон терма жамоаси 2024-йилги Европа чемпионати саралаш босқичи "H" гуруҳида учинчи ўринни эгаллади. Кеча Қозоғистон терма жамоаси Словения терма жамоасига ҳал қилувчи баҳсда иштирок этиб, имкониятни бой бериб қўйди (1:2) ва тўғридан-тўғри Евро-2024 саралаш имкониятидан маҳрум бўлишди. 46 ёшли Адиев Қозоғистон терма жамоасини 2023 йилнинг апрель ойи охиридан бери бошқариб келмоқда.
