"Реал" ярим ҳимоячиси Жуд Беллингем "Кадис"га қарши бўлажак ўйинда жамоасига ёрдам беришга тайёр.

Журналист Эду Агирренинг сўзларига кўра, “Қироллик клуби” ярим ҳимоячиси ҳозирги формасига қарамай, “Кадис”га қарши ўйинда майдонга тушишни жуда хоҳлайди. Манбага кўра, "Реал Мадрид" катта эҳтимол билан жамоадаги мавжуд вазият туфайли бундай таваккал қадамга боради. Эслатиб ўтамиз, айни дамда клубнинг бир қанча асосий футболчилари жароҳат олишган.

Жорий мавсумда 20 ёшли ярим ҳимоячи барча турнирларни ҳисобга олган ҳолда 14 та учрашувда қатнашиб, 13 та гол урди ва 3 та голли узатмани амалга оширди.