Бразилия - Аргентина учрашувида Лионель Месси Родригонинг бўйнидан ушлаб олди.
Бразилия терма жамоаси ЖЧ-2026 саралаш босқичида Аргентина терма жамоасини қабул қилди (0:1).
Ўйин “Маракана” трибуналаридан бирида юзага келган нотинчлик туфайли 27 дақиқа кечикиш билан бошланди.
Старт ҳуштаги чалиниш арафасида меҳмонлар ҳужумчиси Лионель Месси ва Аргентина терма жамоаси ярим ҳимоячиси Родриго де Поль мезбонларнинг ҳужумкор футболчиси Родриго билан тортишиб, эмоционал тарзда нималарнидир муҳокама қилишди. Баҳс чоғида Лео бразилияликнинг бўйнидан енгил ушлаб олди.
Эслатиб ўтамиз, ўтган ҳафтада бўлиб ўтган Аргентина - Уругвай (0:2) учрашувида Месси можаро вақтида ҳимоячи Матиас Оливеранинг томоғидан ушлаб олганди.
