Ҳужумчи Марио Балотелли ҳамон Италия терма жамоасига чақирув олишга умид қилмоқда.
Туркиянинг “Адана Демирспор” клубида тўп тепаётган 33 ёшли футболчи “Скуадра Адзурра”нинг ҳозирги ҳужумчиларидан қолишмаслигига ишонмоқда.
"Мен соғлом бўлсам ҳамон энг кучлиман деб ўйлайман. Распадори ва Скамакка охирги ўйинда дарвозага нечта зарба беришди? Икки? Жароҳатимдан тузалгач, яна терма жамоада ўйнамоқчиман. Мен ҳар доим қийинчиликларни енгишга умид қиламан. Спалетти билан бир неча бор учрашганман, яхши суҳбатлашганмиз”, - деди жорий Туркия чемпионатида бешта ўйинда учта гол урган Балотелли.
