"Лейпциг" "Гранада" ярим ҳимоячиси Брайан Сарагосани Эмиль Форсберг ўрнига олиб келмоқчи, деб хабар бермоқда kicker нашри.
Манбага кўра, 32 ёшли швециялик футболчи қишда жамоани тарк этиб, "Нью-Йорк РБ"га ўтишни режалаштирган. Клуб Форсбергни қўйиб юборишга тайёр, агар унга ўринбосар топса. Сарагоса асосий даъвогар сифатида кўрилмоқда.
Ярим ҳимоячи "Гранада" тарбияланувчиси ва академиядан асосий жамоагача бўлган йўлни босиб ўтган. Футболчининг клуб билан шартномаси 2027 йилнинг ёзига қадар мўлжалланган. Transfermarkt Сарагосани 8 миллион еврога баҳолайди, аммо футболчининг товон пули 14 миллион еврога тенг.
22 ёшли испаниялик футболчига "Брентфорд" ҳам қизиқмоқда.
Жорий мавсумда Сарагоса 13 та ўйин ўтказиб, 5 та гол урди ва 2 та голли узатмани амалга оширди.
