Шанба куни Англия Премьер-лигасида "Брентфорд" - "Арсенал" учрашуви бўлиб ўтади. Аарон Рэмсдейл шу куни "канонирлар" дарвозасини қўриқлайди. Гап шундаки, Давид Райя Премьер-лига қоидаларига кўра "Брентфорд"га қарши ўйнай олмайди - Goal портали шу фактга эътибор қаратади.
Ёзги трансфер ойнасида Райя сотиб олиш имконияти билан "Брентфорд"дан "Арсенал"га ижарага ўтди. Харид тўлиқ амалга ошмагунча, дарвозабон "арилар"га қарши ўйнай олмайди.
Давид Райя 2023/2024 йилги мавсумда 12 та ўйинда 9 та гол ўтказиб юборган. "Арсенал" айни дамда Англия чемпионати турнир жадвалида учинчи ўринни эгаллаб турибди.
