Жерар Пике Гавини жароҳатидан кейин қайтишга мажбурламасликка чақирди.
Эслатиб ўтамиз, “Барселона”нинг 19 ёшли ярим ҳимоячиси Евро-2024 саралаши доирасидаги ўйинда жиддий жароҳат олганди – Гавида хоч бўғимлари йиртилиши ва мениск жароҳати ташхиси қўйилган эди. Испаниялик футболчи 7-9 ойни ўтказиб юборади.
"Гави билан содир бўлган воқеа аҳмоқлик, унда яхши нарса йўқ. Унга вақт ажратсин ва агар у 10 ойни ўтказиб юбориши керак бўлса, унда шундай бўлсин. У Евро-2024 ёки Олимпиадага бориш ҳақида ўйлаши мумкин, аммо тузалиб кетгач, қайтгани маъқул.
Ўйинчи сифатида сиз шошилиб, биринчи йирик турнирингизга боришни хоҳлайсиз - аминманки, у ҳозир тақвимга қарамоқда. Ҳаммаси жойида бўлгач, қайтсин", - деди "Барселона" ва Испания терма жамоасининг собиқ ҳимоячиси.
