Россия президенти Владимир Путин Виталий Муткони мукофотлаш тўғрисидаги фармонни имзолади. Россиянинг собиқ спорт вазири II даражали «Ватанга хизматлари учун» ордени билан тақдирланди. Тегишли маълумотлар ҳуқуқий ахборот порталида жойлаштирилган.
Фармонда айтилишича, Мутко уй-жой қурилиши ва ипотека кредитлашни ривожлантириш бўйича давлат сиёсатини амалга оширишга қўшган ҳиссаси учун мукофотланган.
Ҳозирда Виталий Мутко ДОМ.РФ ОАЖ бош директори лавозимини эгаллаган. Ўз вақтида у нафақат Россия спорт вазири, балки Санкт-Петербургнинг «Зенит» клуби президенти ҳам бўлган.
