"Барселона" спорт директори Деку Каталония клубининг қишки трансфер ойнасидаги мақсадлари ҳақида гапирди.
"Гавининг жароҳати билан янги сценарий юзага келди ва биз буни нима қила олишимизга қараб баҳолаймиз. Биз молиявий жиҳатдан нима қилишимиз мумкинлигини кўриб чиқамиз. Январь ойида муҳим ўйинчилар ўз жамоалари учун ўйнашади ва қишки бозорда бизга нимадир олиб кела оладиган футболчи билан шартнома имзолаш осон бўлмайди деб ўйлайман. Биз билан нима содир бўлганини кўриб чиқамиз, нима борлигини кўриб чиқамиз ва қарор қабул қиламиз. Биринчидан, Гавига ўринбосар топиб бўлмайди. Иккинчидан, бошқа ўйинчини олиб келиш бизга нима кўпроқ мос келишига боғлиқ. Бир ёки иккита футболчи бўладими (Витор Рокадан ташқари) иқтисодий вазиятга боғлиқ бўлади", - деди Деку AS билан суҳбатда.
