Махачқалъанинг «Анжи» клуби «Лос-Анжелес Гэлакси» клуби собиқ яримҳимоячиси Дэвид Бекхэмга икки йиллик шартнома қилишга тайёр. Бу ҳақда «Известия» нашри хабар тарқатди.
Манбанинг маълум қилишича, 37 ёшли футболчига ўйновчи-мураббий бўлиб ишлаш таклиф қилинган. Бекхэмга таклиф қилинган ўринда ўз вақтида Роберто Карлос фаолият олиб борганди.
«Анжи» вакиллари бу хабарга изоҳ беришни истамаяпти. Эслатиб ўтамиз, олдинроқ Бекхэмга 11та турли таклифлар борлиги борасида хабарлар тарқалганди.