"Барселона" ҳужумчиси Роберт Левандовскига Пичичи кубоги топширилди. Бу ҳақда ESPN нашри хабар бермоқда.
Ушбу мукофот ҳар йили Испания чемпионатининг энг яхши тўпурарига топширилади. Эслатиб ўтамиз, 2022/23 йилги мавсумда Левандовски Ла Лиганинг 34 та учрашувида 23 та гол уришга муваффақ бўлганди. Бундан ташқари, 35 ёшли футболчи еттита голли узатмани амалга оширди.
Эслатиб ўтамиз, ўтган мавсум якунида “Барселона” Испания чемпионига айланиб, Ла Лигани биринчи ўринда якунлади.
Жорий мавсумда "кўк-анорранглилар"нинг польшалик ҳужумчиси миллий чемпионатда 11 ўйин ўтказиб, 7 марта рақиб дарвозасига тўп йўллади.
