Октябрь ойи охирида Франция чемпионати доирасидаги «Марсель» – «Лион» учрашуви тартибсиз ҳодисалари билан эсда қолди.
Гап шундаки, «шерлар» автобусига маҳаллий мухлислар ҳужум қилган. Меҳмон жамоа устози Фабио Гроссо шиша бўлагидан оғир жароҳат олди – унга ҳатто тикув қўйишга ҳам тўғри келди.
Пайшанба куни «Марсел»нинг бир мухлиси тўрт ойлик қамоқ жазосига ҳукм қилинди, дея хабар беради L'Equipe.
Ижтимоий тармоқларда бу одам «Лион» автобусига тош отгани акс этган видео бор. Бироқ суд айнан шу мухлис автобус ойналарини синдирганини аниқлай олмади.
Эҳтимол, агар бу исботланганида, жазо янада қаттиқроқ бўлар эди.
