Италия футболи грандлари “Удинезе”нинг сербиялик футболчиси Лазар Самарджичга қизиқиш билдираётгани ҳақида хабар берган эдик. Хусусан, "Ювентус" уни ўз сафида кўришни истайди. Футболчининг агенти Карстен Рикарт сўнгги миш-мишларга изоҳ берди.
"Албатта, "Ювентус" катта клуб. Аммо Лазарнинг амалдаги шартномаси 2026 йилгача мўлжалланган. Қайси клуб унга ўсиш ва ривожланиш имкониятини беришини тушуниш керак. Ҳозир у “Удинезе”да бахтли, шунинг учун биз шошилмаяпмиз. Лазар ҳақиқатан ҳам чемпионатнинг энг қизиқарли ўйинчиларидан бири", - дея агентнинг сўзларидан иқтибос келтиради Италиянинг ITASportPress агентлиги.
