"Манчестер Юнайтед"да футболчи ва мураббий Эрик тен Хаг ўртасида можаро келиб чиқишда давом этмоқда.
Гап ҳимоячи Рафаэль Варан ҳақида кетмоқда. Англияда хабар қилинганидек, унинг мураббийи билан муносабатлари деярли бузилди.
Сабаби, Варан нега таркиб танлашда ёши каттароқ Жонни Эванс ва Виктор Линделёфга устунлик берилишини тушунмайди.
Франциялик футболчи тез орада "Манчестер Юнайтед"ни тарк этиши мумкин. Унга "Бавария" қизиқиш билдирмоқда, аммо Вараннинг юқори маоши бўлиши мумкин бўлган трансферни қийинлаштирмоқда.
30 ёшли Варан Премьер-лига мавсумида 8 та ўйин ўтказиб, битта гол урган.
