"Бавария" Томас Мюллерга бир йиллик шартнома таклиф қилишга тайёрлиги ҳақида аввалроқ хабар берган эдик, бироқ футболчининг ўзи клубда бироз узоқроқ муддат қолишни истайди. Мюллер бутун фаолиятини ўтказган клуб билан камида икки йиллик шартнома кутмоқда.

"Ниятимдан қайтмайман. Мен шартномамни узайтириб, 2024 йилдан кейин ҳам клубда ўйнамоқчиман. Менга футбол ёқади, ўйлайманки, ўйинларим футболдан чарчамаганимни кўрсатади. Мен буни кўрсатаман", - дея футболчининг сўзларини келтиради Bild.

Эслатиб ўтамиз, Томас Мюллер "Бавария"да 2009 йилда дебют қилган.