Европанинг бир қатор топ-клубларининг собиқ ҳужумчиси, ҳозирда Туркиянинг “Адана Демирспор” клуби футболчиси Марио Балотелли бир кун олдин содир бўлган бахтсиз ҳодиса ҳақида гапирди.
“Мен ҳозиргина машинамда ҳалокатга учрадим. Кейин бир дўстим мени олиб кетди ва биз уйга кетдик. Менимча, бу борада шов-шув кўтаришнинг ҳожати йўқ. Ҳеч ким жабрланмади, машина шунчаки ағдарилиб тушди. Бу борада бошқа муҳокама қилинадиган ҳеч нарса йўқ”, - деди Балотелли.
33 ёшли ҳужумчи ёзги трансфер ойнасида Туркия чемпионатига ўтди. Италиялик футболчи 2024 йилнинг июнь ойи охиригача қисқа муддатли меҳнат шартномасини имзолади. Унинг трансфер нархи ҳозирда 1,2 миллион еврога баҳоланмоқда.
