Yevropaning bir qator top-klublarining sobiq hujumchisi, hozirda Turkiyaning “Adana Demirspor” klubi futbolchisi Mario Balotelli bir kun oldin sodir bo‘lgan baxtsiz hodisa haqida gapirdi.
“Men hozirgina mashinamda halokatga uchradim. Keyin bir do‘stim meni olib ketdi va biz uyga ketdik. Menimcha, bu borada shov-shuv ko‘tarishning hojati yo‘q. Hech kim jabrlanmadi, mashina shunchaki ag‘darilib tushdi. Bu borada boshqa muhokama qilinadigan hech narsa yo‘q”, - dedi Balotelli.
33 yoshli hujumchi yozgi transfer oynasida Turkiya chempionatiga o‘tdi. Italiyalik futbolchi 2024 yilning iyun oyi oxirigacha qisqa muddatli mehnat shartnomasini imzoladi. Uning transfer narxi hozirda 1,2 million yevroga baholanmoqda.
